The Somali Coalition for Freedom (SCF) ምስረታን አስመልክቶ ከONLF እና SRDA የተሰጠ የጋራ መግለጫ.

ከONLF እና SRDA የተወከሉ አመራሮች በተገኙበት እ.ኢ.አ ከነሃሴ 17 እስከ 18፣ 2018 በለንደን በተካሄደ ስብሰባ በኢትዮጵያ በተለይም በኦጋዴን ውስጥ እየተካሄዱ ባሉ ወቅታዊ የፖለቲካ፣የኢኮኖሚ እና ማህበረሰባዊ ጉዳዮች ላይ ምክክር ሲያደርጉ ቆይተው ሁለቱ ድርጅቶች ጥምር የፖለቲካ እንቅስቃሴ ለማካሄድ ተስማምተዋል፡፡

ሁለቱ ድርጅቶች የሶማሊን ህዝብ ዘላቂ ጥቅም በተጠናከረ መልኩ ማስጠበቅ እንዲሁም የረጅም ጊዜ የሰብዓዊ፣ ዴሞክራሲያዊ እና የራስን እድል በራስ የመወሰን መብት ጥያቄዎች ማረጋገጥ በሚቻልባቸው መንገዶች ዙሪያ እንዴት መተባበር እና መቀናጀት እንዳለባቸው ለረጅም ጊዜያት የተለያዩ ውይይቶችንና ድርድሮችን ሲያካሂዱ ቆይተዋል፡፡

የሶማሊ ጥምረት ለነጻነት (SCF) መመስረት የኢትዮጵያ ሶማሊ ህዝቦች ለሚመኙት እውነተኛ የሰብዓዊ፣ ዴሞክራሲያዊ እንዲሁም የራስን እድል በራስ የመወሰን መብቶችን በዘላቂነት የመጎናጸፍ ፍላጎት መሳካት ወሳኝ ሚና ያለውን ሁሉን አሳታፊ የፓለቲካ ምህዳር ግንባታ ላይ ጉልህ አስተዋፆ ይኖረዋል፡፡

SCF የሁለቱን መስራች የፖለቲካ ድርጅት አመራሮችን እና ሌሎች የሚመለከታቸውን ሲቪክ ማህበራት ያካተተ የአመራር ምክር ቤት ( Governing Council (GC) ይኖረዋል፡፡

የአመራር ምክር ቤቱ (Governing Council (GC) ደግሞ የስራ አስፈጻሚ ኮሚቴውን (Executive Committee (EC)፣ ሊቀመንበሩን እና ምክትል ሊቀመንበሩን ይመርጣል፡፡

የስራ አስፈጻሚ ኮሚቴው ቋሚ ሲሆን በውስጡም የዲፕሎማሲ፣የአደረጃጀት፣የገንዘብ ነክ፣ የመረጃ እና ሌሎችም ቢሮዎች ይኖሩታል፡፡

ከዚህም ጋር በተያያዘ፣SCF በኦጋዴን የሚገኙ ሶማሊዎች ለመብታቸው የሚያደርጉትን ትግል ከምንጊዜውም በላይ አንድነታቸውን አጠናክረው እንዲቀጥሉ ያሳስባል፡፡

CSF ባለፉት ቀናት በንጹሃን ሶማሊዎች ላይ የደረሰውን ግድያ እና እንግልት በአጽንዖት እያወገዘ የወንጀሉ ፈጻሚዎች እና ተባባሪ አካላት ለፍርድ እንደቀርቡ ለኢትዮጵያ መንግሰት እና ለዓለም ዓቀፉ ማህበረሰብ ጥያቄ ያቀርባል፡፡

በመጨረሻም፣ SCF አዲሱ ጠቅላይ ሚኒስትር አብይ አህመድ ያቀረቡለትን የድርድር ግብዣ በመርህ ደረጃ የሚቀበለው መሆኑንና ለረጅም ጊዜ በኦጋዴን ውስጥ የቆየውን ግጭት ምክንያቶች ከስረ-መሰረቱ በጥልቀት ለመወያየት ያስችለን ዘንድ በገለልተኛ (ሦስተኛ) ሃገር ውስጥ ታማኝ እና ገለልተኛ አደራዳሪዋች ባሉበት እንዲሆን እንጠይቃለን፡፡

SCF የሶማሊን ህዝብ ጥቅም ለማስጠበቅ በሰላማዊ መንገድ ብቻ ለመታገል ያለውን ፈቃደኝነት አና ዝግጁነት ከወዲሁ በአጽንዖት ያሳውቃል፡፡

The Somali Coalition For Freedom (SCF)
ለንደን
ነሃሴ 17 እስከ 18፣ 2018 እ.ኢ.አ

CSF@gmail.com

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay