Wafti balaadhan oo uu hogaaminayo wakiilka Jabhada Wadaniga Ogaadeeniya (JWXO)

Wafti balaadhan oo uu hogaaminayo wakiilka Jabhada Wadaniga Ogaadeeniya (JWXO) uqaabilsan waqooyiga America (North America) Mudane Axmed Majeerteen ayaa xalay soo gabagabeeyay howlgal abaabul oo ay kawadeen gobolka Texas ee cariga maraykanka. Ujeedada socdaalka waftiga ayaa ahayd in ay kormeer guud kusameeyaan howlaha jaaliyada ee gobolka iyo in ay warbixin buurda ka siiyaa xaalada uu haatan  kusuganyahay dalka Ogaadeeniya iyaga oo dhinacakale uga digayey jaaliyada  gobolka in ay ka digtoonaadaan dibindaabyada uu cadow maleegayo ee kuwajahan qurba joogta soomaalida Ogaadeeniya. Xubhana waftiga ayaa kala ahaa sida tan.

• Mudane Axmed Majeerteen Wakiilka Jabhada ee waqoogiya America

• Mudane  Axmed Cali Yusuf  Isku xidhaha Jaaliyadaha Ogaadeeniya ee gobolada

• West Coast Mudane  Cumar Maxamed Aaden godoomiyhii hore ee gobalka Minneasota

• Mudane  Farxaan Axmed gudoomiyaha  Ururka dhalinyarada ee gobolka Minneasota Iyo
• Cabdisalan oo ka socda warbaahinta Ogaadeeniya

Waftigan ayaa waxay maalintii sabtida ahayd shir balaadhan kuqabteen magaalada Dallas ee gobolka Texas halkaas oo ay kula shireen jaaliyada Ogaadeeniya ee kunool magaalada Dallas iyo  nawaaxigeeda oo iyadu ayaamahanba ku jirtay abaabul xoogan sidii ay u soodhowayn lahayd waftigan kasookicitimay maagalad Minneapolis ee gobolka Minneasota. Hadaba jaaliyada Ogaadeeniya faraca Dallas ayaa balanqaaday in ay labanlaabayaan taageerada ay u hayaan halganka ay hormuudka katahay Jabhada wadaniga xoraynta Ogaadeeniya ee lagu raadinayo xaqa aayo katashiga shacabka somalida Ogadeniya.

Xubnihii waftiga ayaa isla galabnimadii sabtida ahayd markuu shirkii faraca Dallas u dhamaaday waxay u boqooleen dhankaas iyo magaalada Amarillo ee gobolka Texas halkaas oo ay ku dhaqantahay jaaliyad xoogan oo kasoojeeda soomaalida Ogaadeeniya. Faraca Amarillo  oo ka warhayay waftiga kusoo fool leh ayaa isaguna dhankiisa kaga jiray dhaqdhaqaaq  balaadhan oo isugu jira soodhoweyn iyo abaabul shirka kusoo food leh. Maalintii axadda ahayd ayuu shirkii ka firmay malaaga Amarillo waxaa shirka furay godoomiyaha faraca mudane shafi xirsi isaga kawarbixiyay  wax qabadka jaaliyada Amarillo ammaanna u soo jeediyay waftiga iyo howlaha kormeerka abaabul ee ay kawadaan gobolka Texas. Sidoo kale faraca Amarillo oo run ahaantii  muujiyey isku duubnaan  ayaa u balanqaaday waftiga soo booqday in ay taageero hiil iyo hooba ah lagarabtaaganyihiin halganka uu ku jiro shacbiga Ogaadeeniya.