Cudurka Daacuunka oo Ka dilaacay Gunagado iyo 14 u dhintay cudurkaas.

Ciidamadii cadawga  ee daganaa magaalada Gunagado ayaa waxaa la xaqiijiyay inuu hayey  cudurka daacuunka kaas oo ka laayay ciidan badan ,ciidankan sida la xaqiijiyay  maysan helin wax dhakhaatiir ah. waxayna cudurkan qarsanayeen in mudo ah.

Hadaba xanuunka oo sida la ogyahay ka mid ah cudurada u faafa sida dagdaga ah ayaa waxa uu u gudbay hada dadka shacabka ah ee magaalada

Sida aad la socotaan dalka oagdeenya malaha isbitaalo nooca ay doonaanba ha ahaadeene

Hadaba cudurkan ay soo gudbiyeen ciidamada cadawgu ayaa waxa uu hada fara ba’an ku hayaa deegaanka  magaalada Guunagado isaga oo la sheegayo in xataa laga dareemay magaalada Dhagaxbuur

Xanuunka daacuun caloolaha ah ee wata shubanka  badan  ayaa inta ilaa hada la xaqiiyay waxaa u dhimatay 14 ruux oo isugu jirta  caruur iyo dad waawayn, waxaana u jiifa dad aad u badan

Hadaba waxaa jira in haayadihii samafalka  laga mamnuucay dalka ogaadeenya taasina ay qayb ka tahay in la xakamyn waayo cudurkaas

Waxaan ilaahay ka baryaynaa inuu umada tabarta daran  caafimaad ugu badalo  cudurkaana si degdeg ah uga joojiyo  aamiin

ONA