Ogaden News Agency (ONA)

KU SOCOTA : SH. UMAL, IBRAHIM DHEERE, SHIBILE IWM

Salaanta Islaamka ayaan idin ku salaamayaa dhamaantiin iyo inta akhrisan doonta qoraalkan. Qorida maqaalkan waxaa igu qasbay markii aan arkay wadaadadii la dagaalamayay cadowga Alle (Itoobiya) iyo cadawga isirka Soomaaliyeed oo dagaalkii joojiyay sheegeena in nabad dhacday heshiisna la galeeyn gaalada dhulka Soomaaliyeed (Ogaadeenya) cududa milatari ku heeysata.

Halkan hoose waxaad ka daawan kartaan xaqiiqda dhulka iyo dadka aad ka soo jeedaan. Intan yar ee reer galbeedju soo duubeen waxa kun jeer ka badan inta aanan la soo tabin.

Riix halkan :

http://ireport.cnn.com/docs/DOC-596395

Dib ugu noqon maayo in aad heshiis la gasheen Itoobiya ama in aad isdhiibteen waxaasne rabaa in aan iftiimiyo ololaha aad ugu jirtaan in Itoobiya la isu dhiibo adinkoo gudaha iyo dibadaha wareegaya is kuna dayaya in shacabka iyo raga geerida ka doortay gumeysiga (ONLF) damiyaan dabka baxaya ee lagu doonayo in cadawgaa arxanka daran la is ka tuuro.

EPRDF iyo ONLF, Melez iyo Maxamed keebaa idin xiga dhinaca diinta iyo wada dhalashada marka la fiiriyo. Maxaad kaga duwan tihiin markii uu Sayid Maxamed gumeeysataha la dagaalamayay kuwii cadowga la soo saftay isagana ku diigsanayay iyadoo la ogyahay in gumeeystuhu uusan marnaba kala saarin kan u ololeeya iyo kan la dagaalama ee ka soo wada jeeda umadu uu rabo in uu duleeysto.

Waxaad tihiin dad culumo ah ugu yaraan inta daahirkiina ka muuqato uurkiinana Allaa og waxaase jira oo aydaan inkiri karin in qaarkiin sameeyay qar ka dhac aanan xitaa qofka caamada laga filan. U gargaar walaalkaa haduu madhluum ama dhaalim yahay Xadiithkii Rasuulka CSW in aad igaga aqoon badan tihiin ayaan filayaa. Ma waxaad leedihiin shacabka Ogadeenya weey dulmiyeen Itoobiya mise iyadaa wax dulmisay oo dhulkoodii qabsatay. Culumo iyo caamo waxa la is ku raacsan yahay in umada Soomaaliyeed ee Ogadeenya la dulmiyay, maxaad ugu gargaarteen?

Waxaad asal ahaan ka soo jeedaan gobalkan gumeeysiga rafaadiyay waxuuse Alle idan siiyay magac iyo maal oo malyan dheer ayaad tihiin. Su’aashu waxa weeye marka laga tago nabad ku sheeg oo idinka laftiinu eydaan dhaafi karin Jigjiga maxaad anfac ah oo aad umadun dulman ee dilka, dhaca, kufsiga iyo gaajadu isugu darsantay u geeysateen. Rasuulku SCW ehelka iyo waxa ay gacanteenu hanatay ayuu nooga dardaarmay maxaad Alle SW hortiisa ku jawaabi doontaan marka la idin weeydiiyo ehelkiina oo maanta dayacan gaajo iyo oon u dhimanaya adinkana dibirta iyo daacadu is daba joog tahay welibana waqti iyo xoog galinaya in loo sacbiyo midka ehelkiina dhibkan dabay.

Muminka marka uu munkar (wax dhibaya la kulmo) waxuu u kala baxaa sida Rasuulku sheegay SCW : mid ka dagaalama oo gacantiisa ku badala, mid aan dagaal awoodin ee afka furta iyo mid aan labadaba awoodin oo niyada ka naca. Sh Umuloow, Ibraahim, Shibile iyo kuwa aad is ku bahda tihiin intan calaamadood oo uu Rasuulku SCW sheegay midna kuma sifeeysnidiin is kaba daayoo af iyo adin ayaad ku difaaceeysaan kii munkarka (gumeysiga) waday.

Waxaan idin kugu nasteexeenayaan sida SH Cumar Faaruuq, Sh Ibraahim Cabdale Allaha janadii ka waraabiyee, Sh. Shariif, Sh Nuur Baaruud iyo kuwa kaloo fara badan in umadan dulman garab istaagtaan joojisaana maxabada aad u heeysaan gaalka waalidkiin iyo walaalihiin gumaadaya mudo hada qarni ku dhow.

NB Isticmaalka magaca Ogaadeenya wax cuqdad ah kama qabo marka dhulkaa lagu tilmaamayo sida dunida looga yaqaano.

Asad C/Salaan

Muumin2008@hotmail.com

Short URL: http://www.ogadennet.com/?p=1221

Posted by on May 18 2011. Filed under Maqaalo. You can follow any responses to this entry through the RSS 2.0. Both comments and pings are currently closed.

8 Comments for “KU SOCOTA : SH. UMAL, IBRAHIM DHEERE, SHIBILE IWM”

  1. walaalka maqaalka qoray waxan leeyahay qalbigaaga nuur alle hagaliyo culimadana xaqqa alle ha tuso ogadenia way xoroobi xisaabtana waa dan beeyaa ninawna ha ku xadgudbin xoriyadda alle ina soii yey laakiin bili aadan noo diiday oo naguy dulmiyey wixii alle nasiiyey markaan dhalanay arintu waa gaba gabo magafe waa alle ka noqda hadaladiinii culimo xaqqana taageera walaalkiin idin jecel ayaan ahay laakin xaqqa eega casabiyadda xarakada kadaaya allena xuduudiisa eega walaahu mustacaan

  2. ahmed

    culimada reer ogaadeniya waa culimo ixtaarm iyo akhalaaq inaga mudan waanan ixtiraamaynaa , laakin alle sidii shalay uu u tusay MALEZ in uu MALEZ yahay oo uuna isbadelin.
    ogaadeniya in gaalo gumeysato oo xaq ay u leeyihiin in ay u noolaadn sida shacab weynahaha muslimiintu u nool yihiin,

    in dagaalka ogaadeniya uu yahay dagaal xaq iyo baadil u dhaxeeya

    in aad u hiilisaan walaalaha JWXO ww wadankooda xoreeynaya

    ha aamin malex ku quuso

    ABDULAAHI YUUSUF HALKUU DHIGAY
    BARRE HIIRAALE
    IBAARHIN XAAD
    SHAATI GADUUD

    KU QUUSO SIDII UU ISTICMAALAY WORLORDKII SOOMALIYA KADIBNA UU DHULKA UGU JIIDAY, HADAN QOLADAN ITIXAAD MALEZ DIIN MA JECLE WAA LA IDIN ISTICMAALI KADIB DHULKAA LAYDUKU JIIDI

    SAYIDKAA DHAHAY
    ANIGAAN LABADA KA HORE DAAJO MOODEYNA ,

    GUUL
    JWXO

  3. hassan

    waxaan idikusalaamayaa slaamun calaykum intaas kadib waad mahad santihiin walaalaha sida hufan uga jawaabey , hadaan intaas kagudbo waxay taariikhda reer ogaadeniya soomartay mar xalado kala duwan oo rag loogu magabixiyay janna kabood kadi markii ay labareer oo walaala ah aydab dhex dhigeen iyaga oo culimo lagu ogaa sidaas darteedna filan waagii kadhashay waxa aysameeyeen ayaa abaalgud looga dhigay jano kaboodyo maantana way muuqataa lamood noqonsaweyday magaca loobixin doono dadka dhiiqada lugaha kula jira eekutilmaamay gufsiga /dilka/dhaca cunoqabataynta shacabka/barakicinta guul usooraadiya waxa ay mudanyihiin

  4. walal layaal waad mahad san tahiin waxaana dhab ah dhamanteen inaan jecelahay xoriyad nabad iyo sharaf lagu noolaado .. laakiin xagee loo maraa weeye meesha ninba dhan ka raadiyay ………waxaan ognahay wadaadadii itixaadka inay oflf dagaalka ka hor bilaabeen xalkana halkaas ka dayeen onlf tana ku dhiira galiyeen dagaalka gacana kusiiyeen .. waxaana hubaal ah intay gaalada maalin qudha hal dagaal ka dileen wadaadadu uma dhiganto itay onlf kadishay 5 sano….waa hadii aan taariikhda iyo wax qabadka walaalkaa la inkirayn ama aan idhaha la is tirayn ……intaa kadib 20 sano waa la fakaray cajalada caqliga naska diinta ee marwalba loo baahan yahay in la iska dhax eego halkaad marayso ayay culimadan aad aragtaan fiiriyeen culimaduna waa dhaxalkii anbiyada ama nabiyaasha …….walaalayaal waxaad ogtahiin in umal shibli ibraahim dheere mohamed dubad intuba ay diinta wax ka garan hayaan …….waxaa kale ood ogtahiin in mohamed omer osmaan cadaani ina maaday ina sheekh is maaciil inay yahiin rag caadi ah oo gaadeen ah oo xor nimo uun raba laakiin aan diinta wax saas ah ka aqoon …..saas darteed .. waxaad aragtaan dadkeenii inuu sii qaran guurayo wadadan aan kusoconana wax xoriyad ah kama soo muuqadato hadaan dhaan dabangaale la is tusayn sida nimanka maalin iyo habeen lataagan dariiqyada xoriyadiibaa iisoo uraysa taasina waa hawo laakiin ficil wax muuqda ma aha ……itoobiya aan la heshiino xaqeeniina aan heshiis kaga qaadano malesna waa nin african ah kana daciifsan gumaysta yaasha waa wayn …ingiriis waxba inoma hayo ogoow ninka raja ka qaboow ……awood aan itoobiya cagta ku marinana mahayno … hadii laga tago riyada onlf …..taageero dibada caalam islaam iyo caalam gaal midna mahayno …. war dhafoor buu ka muuqdaaa xaaladeena in ka badan 20 sano wax is dhima mooyeen wax soo siyaada mahayno …….marun misa been ….

  5. waxaad ogtahiin dadkeenii inuu dhiban yahay qof taas inkirayana majiro laakiin dhibka wadada lagaga qaadi karo ama lagaga fudaydin karo waa in nabad la qaato kadibna hoosta la iska soo dhiso oo la isku tashado …..khilaaf iyo canaadka xamaasada ku dhisana la iska yuareeyo xinka iyo caydana laga waantoobo ……xaga diintana mar walba wax laga fiiriyo ….. labo daran kolba kii roon la doorto ….suaalahan qofkasta oo ogadania ama soomaali galbeed udhashay ha is waydiiyo .. tusaale ahaan dibada taageerada aan ku hayno maxay tahay waa intan oo qudha >.
    1—dad qaxooti ah oo ku nool sharciyo ay ku dhoof dhoofaana la siiyay waa ninkii nool uu ku dhoofaba haystee………
    2-shirar caaadi ah oo hoolal waa wayn oo wadamadaas ku yaala lagu qabsado shirarkaas oo aan ka hor iman hayn siyaasada wadamadaas .. waa shardi muhiim ah …….siyaasadaasoo aysan maslaxada ogadenia ku jirin ….macnaha shirku waxuu noqon uun dad caadi ah oo barnaamijyo bulsho iyo isu imaatin qaraabo isu timid bas ….laakiin aan wadankii waxba u hayn xataa hoolalka marki lasoo kiraysan waxaa lagu kiraystaa jamhuuriyada soomali ayaan nahay iyo wax noocaas ah ileen qaxootinimadka ay ku joogaan waa inay soomalia burburkeedii kasoo carareen ee maha inay itoobiya kasoo carareen ..kasoo biloow wadaadka adeerkeen ah admaraalka ileen waa askari somalia kasoo cararay ee kadibna magan galiyo helay ee ……
    3-aduunyadii maslaxo ayay u dhuratay ……..hadii wax bisil oo la inaga faa iidi jirana iyagaaban daaheen reer galbeedku waad aragtaa waxa madafiic lala dhacayo gadafi libiya ………marka maslaxo oon jirin awgeed gaalo dantu waxay ugu jirtaa inaan iska holacno intay saliida carabtu ka gudhayso ……..kadibno qoom aan hada walli dhalan oo wadankeena ka jiro doona ayay taageeri doonaan si ay manfaco uga helaan kkkkkkkkkkkkkkk waagaasna onlf wslf iyo jiilka inaga danbeeya majiro ee wadankeenu markaas waxaa ku nool quruumo aan ahayn dadkeena …….marka aynu isku tashano aan xoogeena meel saaro xaga culimadana aan u badano waayo qoom hadaysan culimama ku jiri waa la halaagsami ……

    • naag naagdhalay aamus

      naag yahoow naagu dhalay is aas baan kuleeyahay dad kaagii waa lagoowracayaa sidii xayawaanka idigana waxaad ku haysaa nabad baa jirto haday tahay dilka i kufsiga nabad sugimaayo colaad. ninkii seexday ayaa dibigii dhalay. wadaadada waxaan leeyahay ilaahay kabaqa haraacina dadka dadka muslimiinta dilayo oo dagaal haku soo raacina

      ONLF= FREEDOM
      JWXO= GUUL

      WSLF= DABADHILIF, GAALO JACEEL, GAAL ISKA DHIS, DIINTOO LACAG LAGADOORTAY.

      DABAQOODHI= DAMIIR LAAWE, LAKIIN KAN AYAA DHAAMA WSLF MAXAA YEELAY DABAQOODHIGU WAA JAAHIL.

  6. AxmadNur maslaxad ilaalin laguma gaaro xoriyad Ilaahayna kuma odhan isu-dhiib cadawgaaga haduu kaa xoogbato. Waxyaabaha ina fidneeyey waa wadaad doonaya maslaxa dunyawi ah oo shirkado gaar ah ama jimciyado khayri lagu tilmaamo doonaya inuu ku hantiyo oo dagaalka lagula jiro gumaysiga u arka inay maslaxadaa ka soo horjeedo oo aanu ciida Ogadenya cag dhigi karin dagaalka oo joogsada mooyaane .. taasina waa waxa inaga reebay dadka caalamka een maanta qarnigan 21aad aan u raadinayno xoriyad iyo inaan cabsi la’aan Ilahaygeena caabudno.
    Ha u magoogina dadka sidii laga sheegay macallinkii lo’diisa ay beerta daaqday ee yidhi la jiifiyaana banaan. Ilaahay wuxuu ina faray inaan laga cararin goobta dagaalka, cadawgana aan loo jilcin. hadduu doonayo nabad waanu doonaynaa laakiinse waa inuu ogolaadaa inaan xor ahay.

  7. Muxsin

    SCWB;
    waxaan 100% taageerayaa qoraaga maqaalkan .. haba yaraatee kuwa u qiil bixinaya wadaad isdhiibay waxaan u malaynayaa inuusan xaq ku taagnayn .. maslaxada ayaan fiirinayda waa waxa gumaysiga uu dadka hadda u laynayo .. waxaan aaminsanahay inay wadaadadaa sidhiibay kula taliyeen cadawga iyo cabdi iley inay dadweynaha laayaan si ay ugu meelmarto maslaxadaa ku jirta in la’is diibada ay meel walba la taagan yihiin. waxaadse ogaataan haddii ay wiilasha onlf soo xaroodaan inuusan boos idiinkaga banaanayn meles iyo cabdi iley agtooda. waxaan u dardaarmayaa inay Ilaahayga aan waxba laga qarin karin ka cabsadaan sheekhyadan Shakuul iyo Shibil gaar ahaan iyo Sh Umal oo loo hanweynaa. Anasru macal xaq daaiman.

    Muxsin.

Comments are closed

Search Archive

Search by Date
Search by Category
Search with Google

Photo Gallery

ONA Traffic

Visitors

  • Last 24 hours: 8,671
  • Last 7 days: 59,172
  • Last 30 days: 232,851
  • Online now: 28
Traffic Counter
Log in | Copyright © 2009 - 2011 ogadennet.com