OYSU-IFO (Miftaaxul Xorriya) oo shikoodii caadiga ah qabsaday

Ururka OYSU faraciisa  xerada qaxootiga ee IFO oo lagu magac-aabo (Miftaaxul Xorriya) ayaa shir ku yeeshay xeradaasi  khamiistii lasoo dhaafay shirkaas oo ahaa midkii caadiga ahaa ee xubnaha ururku iskugu imaan jireen ayaa lagaga hadlay kaalinta ay dhalintu ku leedahay halganka loogu jiro xoraynta Ogadenya iyo sida dhlinyarada soo kacaysa loogu wacyi galin lahaa loona bari lahaa taariikhda soo jireenka ah ee halgamadii kala duwanaa ee  Ogadenya.

Qodobadii shirka lagu gorfeeyey ayaa waxaa sidoo kale kamid ahaa sidii kor loogu qaadi lahaa waxtarka dhalinta iyo isku xidhka bulshada kasoo jeeda Ogadenya ee qaxootiga ku ah xeryahaas kana soo cararay cadaadiska iyo xasuuqa ay xukuumada gumaysigu ku hayso shacabka Ogadenya.

Gabagabadii shirka ayay dhalintu iskugu baaqday in loo diyaar garoobo sanadguurada ururka OYSU wuxuuna shirku kusoo dhamaaday guul iyo farxad.

Farxaan Maxamed/ONA-IFFO

Short URL: http://www.ogadennet.com/?p=12540

Posted by maamule on Jun 16 2012. Filed under Warar. You can follow any responses to this entry through the RSS 2.0. Both comments and pings are currently closed.