Maanta ooy taariikhdu tahay 22/10/2013, waxaa caasimada wadanka Denmark ee Copenhagen laguqabtay banaanbaxan balaadhan ooy soo qabanqaabisay Jaaliyada Somalida Ogadenia ee wadanka Denmark.

Banaanbaxan aayaa kusoo beegmay kadib markii la ogaaday inuu Shirka Cimilada Aduunka lagaga hadlayay oo kafurmay shalay magaalada Copenhegan ee caasimada Denmark uu  kasoo qaybgalay Ra,iisulwasaaraha Gumaysiga Itoobiya ee maqaar saarka ah Hailemariam Desalegn.

 Inkastoo  socdaalka iyo imaatinka Hailemariam ee Denmark saxaafada laga qariyay hadana xalay xilli dambe oo fiidkii ah markay Jaaliyada S.Ogadenia ee Denmark kudhaqan ogaatay  joogitaankiisa  ayaa laqaban qaabiyay Banaanbax balaadhan oo lagaga soohorjeedo Taliska Gumaysiga Itoobiya ee uu madaxda kayahay Hailemariam Desalegn.

Banaanbaxayaasha ayaa watay boodhadh ay kuqoranyihiin  Free Ogadenia,  Stop Aid to EthiopiaStop Genocide in Ogaden iyo hal kudhagyo kale oo badan kuwaasoo macno iyo murti badan xambaarsanaa, sidoo kale ayay kaqaybgaleyaasha isku soobaxay kudhawaaqayeen erayo ay kamid ahaayeen * kuwa xasuuqa kawada Ogadenya hala hor keeno Maxakamada Danbiyada dagaalkaItoobiya hajoojiso xasuuqa dadka rayadka ah ee Ogadenia kudhaqan,Waxaan ubaahanahay CadaaladDeeqda Itoobiya lasiiyo hub ayay siisataa ay shacabka Ogadenia kugumaado*.

Shirkan oo furmay shalay maantana lasoo gabagabeeyay ayay kuguulaysatay Jaaliyada S.Ogadenia ineey gaadhsiiyaan baaq kusocda beesha caalamka gaar ahaan wadamada deeqda bixiya ee kulankan caalamiga ah kasoo qaybgalay inaan gumaadka iyo tacadiyada kadhanka ah xuquuqda aadamaha ee Gumaysiga Itoobiya ay kawado Ogadenia aan lagu dhawranin balse laga qaado talaabo sharciga waafaqsan taasoo ay oogu horayso in Gumaysiga Itoobiya deeqda lasiiyana laga joojiyo.

Banaanmaxan ayaa kudhamaaday sinabadgaliyo ah waxaana looqaybiyay saxaafada, madaxda, marti sharaftii iyo dhamaan kaqaybgaleyaashii Shirka Cimilada Aduunka qoraalo kahadlaya dhibaataday Ciidamada Gumaysiga Itoobiya ku hayaan shacabka dulman ee Ogadenya kudhaqan.

 


 


ONA.

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay