Waxaa taariikhdumarkay  ahayd 23/11/2014, kulan dhawr saacadood socday oo xaga isgaadhsiinta casriga ah ee (Tell Conference) ga ah iskugu yimid Maxdaxda iyo Hawlwadeenada kaladuwan ee Hogaanka Abaabulka iyo Arimaha Ururka ee marka lasoo gaabiyo looyaqaano (HAAU) uu kakooban yahay. Kulankan ooy kasoo wada qaybgaleen dhamaan waaxaha iyo qaybaha kala duwan ee Hogaanka HAAU sida Ururka Midawga Dhalinyarada iyo Ardayda Somalida Ogadenya ee OYSU ayaa lagu falanqeeyay sibalaadhana looga wada arinsaday qodobo muhiim u ah geedi socodka waxqabadka Jaaliyaadka Somalida Ogadenya ee dunida dacaladeeda kahawlgala.
Kulankan ay wada yeesheen Madaxda HAAU ayaa ujeedadii oogu waynayd ee loosoo agaasimay ay ahayd kala warqaadasho kusaabsan qorsheyaashii hogaanka horaan oogu dajisnaa sanadkan dhamaadka ah ee 2014 iyo kuwa mustaqbalka dhaw laqorshaynayo hirgalintoodu fursadaha oogu soohoraysa iyo kamidho dhalintooda haduu Alaha awooda lihi raali ka’ahaado. Kulankan oo kamid ah kulamadii joogtada ahaa ee Madaxda HAAU ay iskugu imaan jireen ayaa aad loogu falanqeeyay looguna lafoguray guulihii uu Hogaanka HAAU gaadhay bilihii lasoo dhaafay taasoo aan lawada socono wacdarihii ay Jaaliyaadka Somalida Ogadenya ooysan kamaqnayn urur waynaha OYSU iyo Ururada hooyooyinka Somalida Ogadenya oo iskaashanaya ay kasoo hoyiyeen xuskii sanad guurada 30 aad ee kasoo wareegtay aas aaska Jabhada Wadaniga Xoraynta Ogadenya. Waxaa kaloo kamid ahaa guulaha lataaban karo ee HAAU uhirgalay mudaaharaadkii balaadhan ee jaaliyaadka Yurub qaar kamid ah ay kusameeyeen Safaarahada Dalka Shiinaha, taasoo ay jaaliyaadku kaga cabanayeen kaalinta ay shirkadaha Shiinaha ee Shidaalka Qoda ay kuleeyihiin gumaadka iyo baro kicinta uu Gumaysigu kawado Ogadenya.

Jaaliyaadka Ogadenya ee wadanka dibadiisa kudhaqan ayaa muujiyay bisayl, midnimo, khibrad iyo abaabul aad uheer sareeya oo aduunka dacaladiisa sibalaadhan looga xusay munaasabada sanad guurada 30-aad Jabhada ONLF. Waxaa xusid mudan ooguna muhiimsanaa guulaha uu Hogaanka HAAU gaadhay shirkii 19-aad ee Jaaliyaadka Somalida Ogadenya ay sanadkiiba mar qaban jireen ee lagu soo gabagabeey caasimada wadanka UK ee London guulo aad uwaawaynna laga gaadhay. Shirkan jaaliyaadka ayaa kusoo beegmay xilli uu Halganka ay jabhada ONLF hormuudka utahay ee shacabka Somalida Ogadenya oogu jiro siduu ooga hoos bixi lahaa Gumaysiga daalan ee Wayaanuhu majaraha uhayo meel wanaagsan oo lagu naaloon karo uugaadhay taasoo maanta loodabaal dagay sanad guuradiisii 30-aad.

Qodobadii kulankan sida aadka ah loogu falanqeeyay ayaa waxaa kamid ahaa Abaabulka iyo Hirgalinta shirwaynaha Haweenka Somalida Ogadenya oo laqorshaynayo in laqabto haduu eebuhu yiraahdo inta udhaxaysa 26-28 December ee dhamaadka sanadkan aan kujirro 2014, shirwaynaha Haweenka Ogadenya ayaa lagu qaban doonaa caasimada wadanka Denmark ee Copenhagen. Kulankan ayaa kusoo beegmay xilli uu wado Hogaanka oogu sareeya ee JWXO abaabul balaadhan oo kusaabsan balaadhinta iyo hirgalinta hawlaha halganka ee kasocda shanta qaaradood ee aduunka.

Dhanka kale waxaa siqoto dheer leh loogu falanqeeyay aadna looga wada dooday xaalada cusub ee maanta soo foodsaartay Gumaysiga gabalkiisu dhacay ee Wayaanahu hormuudka uyahay ee ka,arimiya Itoobiya. Marxaladan cusub ee Wayaanuhu kujiro ayay lagama maarmaan noqotay in Madaxda JWXO ay dardargalin iyo abaabul xoogan oogu jiraan sidii loohanan lahaa xoriyada uu shacbiga Somalida Ogadenya mudada dheer oogu jiray hanashadeeda. Marxaladan oo ubaahan in shacabka Ogadenya uu siwadajir ah iskaga kaashado sidii Wayaanaha looga xorayn lahaa dalka Ogadenya. Kulamada noocan oo kale ah eey iskugu yimaadaan Madaxa HAAU ayaa lafdhabar u ah dardar galinta iyo kamidho dhalinta hawle halgameedka uyaala Hogaanka HAAU kaasoo siwanaagsan ooga socda dhamaan xarumaha ay kahawlgalaan Jaaliyaadka Somalida Ogadenya oo maanta ilays unoqday isla markaana dhidibada u aasay midnimada iyo wada shaqaynta hay’adaha kala duwan jabhada ONLF.

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay