Capturee

jaaliyada Soomaalida Ogaadeeniya ee Australia iyo wax garadka  umada soomaaliyeed ayaa sida wada jir ah   waxay usoo  saareen bayaan ay ku Canbaarey nayaan Boobka lagu hayo Khayraadka Wadanka Ogadeniya  oo ah mid soomaali dhamaanteed ka dhexeeya.

Bayaankan  oo ay horay u soo saartay jabhada ONLF isla markaana  Lagu Canbaareynayay Heshiis  la sheegay inuu dhex maray  Maamuulka  Djabouti, Ethiopia iyo China kaas oo ku saab sanaa sidii Shidaalka wadanka Ogadeniya looqodi lahaa isla markaana looga dhoofin lahaa Dekada jabuuti iyada oon waxba laga waydiin dadkii soomaaliyeed ee khayraadka lahaa taas oo badalkeeda la isticmaalayo Awood iyo shirkado ajaanib ah oo budhcad suuqa madaw ku macaashta ah.

jaaliyada soomaalida Ogaadeeniya ee Australia  ayaa  ugu baaqaysa dhamaan Shacabka Soomaaliyeed meelkasta oo ay dunida ka joogaan inay hal meel uga soo wada jeed sadaan go’aanka  shisheeye ee lagu boobayo Khayraadka Wadaniga  Soomaalida Ogadenia, taasoo haday suuro gasho ah guushii ugu danbaysay oo uu gaadho cadawga soomaaliyeed waligiina ku riyoon jiray.

Dhanka kale  waxay Jaaliyadu Fariin udiraysaa  Shacabka walaalaha  Djabuuti inay iska  Dulqaadaan Maamulka kaligii Taliska ah ee mudada dheer madaxa ka haysta dhibaatooyinka joogtada ahna kuhaya  shacabkiisa  maantana u talaabay siduu  u wax yeelayn lahaa shacabka soomaaliyeed ee dariska la ah isla markaana  cadawgooda ugu lug qaban lahaa.

Sidoo kale waxay jaaliyadu fariin  Qaaliya udiraysaa Ciidamada Sooma jeed sada yaasha Naftood hurayaasha JWXO oo intay joogaan ayna sinaba u suura galaynin inuu damac shisheeye ka hirglo wadanka Ogadenia iyagoo hadh iyo habeen utaagan siday ufashilin lahaayeen ugana adkaan lahaayeen cadawga liita ee itoobiya iyo cid kasta oo  uu ku shaqaystaba.

Ciidamada ONLF waxaa lagu xusuustaa Geesinimo iyo dhirbaaxooyin taariikhda galay oo ay la kulmeen cidkasta oo isku dayday inay khayraad wadanka Ogadenia ugacan dhaafto walina  ay heegan ugu jiraan sidii ay gacan bilaa naxariis ah ugu jawaabi lahaayeen cidkasta oo khayraadka Ogadenia kusoo xad gudubta.

Ugu danbaytii hadaanahay jaaliyada Soomaalida Ogaadeeniya ee Australia waxaan caday naynaa oo aan hoosta ka xariiqaynaa Dibad iyo Gudaba Intuu nool yahay hal shaqsi oo Soomaalida Ogadenia kamid ah inaan marna naloo gacan dhaafayn khayraadka Ogadenia uu kamidka yahay shidaalku isla markaana waxkasta u hurayno oo naftayadu ugu horayso.

 

ONA-Melbourne Australia

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay