Golaha Amniga ee Qaramada Midoobeey (UN) ayaa hogaamiyayaasha siyaasadda ee Sudaanta Koofureed ku booriyay inay xakameeyaan ciidamadooda. Dalkaasi waxaa dib uga qarxay dagaal boqollaal qof ay ku dhinteen oo ka dhacay magaalada Juba.

Go’aan aan loo kala hadhin ayuu Golaha Amniga ku muujiyay cadhada ay ka qaadeen weerar lagu qaaday dhismaha Qaramada Midoobeey iyo dad rayid ah oo ku waxyeeloobay. Waxa ay sheegeen in tallaabooyiinka noocaas ah ay dhalin karaan tacaddi ka dhan ah aadanaha iyo dembi dagaal.

Golaha UN ayaa sheegay inay diyaar u yihiin xoojinta howlgalka nabad sugidda ee dalkaasi, waxayna dalalka dariska la’ah ku boorinayaan inay ciidamo dheeraad ah u diraan. Dagaalkan cusub ee u dhexeeya ciidamada madaxweynaha Salva Kiir iyo kuwa taabacsan ku xigeenkiisa Riek Machar waxa ay keeneen cabsida ah in markale dalkaasi uu dagaal sokeeya ka bilowdo.

Labada hogaamiye ayaa dhowaantan waxay wada saxiixdeen heshiis nabadeed oo lagu soo afjarayay colaadda dalkaasi ka socota in kabadan laba sano. Safiirka Mareykanka ee UN, Samantha Power, waxa ay sheegtay inay jirto walaac ah inaysan jirin cid maamusha ciidamada isdagaallaya.

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay