Shirkan oo  ahaa  shir abaabul, kala warqaadsho iyo qiimayn wax-qabadka  jahliyada ayaa  waxaa  furay  shirka  gudoomiyaha  jahliyada  Ogadenia ee  dalka Yemen  Sh Ismacil Cabdi  Mursal oo ka  warbixiyay wax  qabadka  jahliyada ee sanadkan isagoo ku dhiirigaliyay  dadka  inay  dadaalka  sii  laba  jabaaraan. Gudoomiyaha ayaa aad ugu dheeraaday sida ay waajib ugu tahay  qofkasta oo ka mid ah shacabka dulman ee S.Ogadenia inuu ka  qaybqaato  halganka maadaama  dalkiiisa la gumaysto, dadkiisana lagu gumaadayo  malain walba.

Hadalka gudoomiyaha kadib  ayaa  waxaa  si toosa  khadka  tel  loogu  soo xidhay mudane  Cabdi  qaadir Hiirmooge (cadaani)   oo kmaida  masuuliyiinta JWXO. Mudane Cadaani ayaa warbixin aad u dheer oo qiira galisay dhamaan dadkii ka soo qaybgalay shirka u soo jeediyay, waxuuna si faah-faahsan uga  warbixiyay  xaalada Ogadenia  guud  ahaan, gaar  ahaan marxaladda xasaasiga ah ee halganka xaqa ah ee shacabka Ogadenia ay ugu jiraan siday u hanan lahaayeen xoriyada. Wuxuu ugu bishaareeyay dadwaynihii  shirka fadhiyay xoriyada, taasoo dareenka dadka dhaqaajisay. Wuxuu mudane Cadaani ka warbixiyay guulaha waawayn ee isdaba  jooga ah ee  CWXO  ay  kasooo hoyeen goobihii ay iskaga horyimaadeen ciidamada  arxanka daran ee Wayaanaha iyo malayshiyada Hawaarin ee dhidid -dhoowrka u ah gumaysiga. Waxuu sheegya mudane Cabdiqaadir Hirmooge sida Itoobiya  ugu fashilantay siyaasada arimaha  dibada oy uga  go’doonsantahay  caalamaka iyo horumarka muuqada  ee  siyaasadda dibadda ay JWXO ay gaadhay.

Warbixinta mudane Cadaani oo dadkii dhagaysanayay ay aad ugu  diirsadeen uguna  farxeen kadib ayaa  waxaa  isagana ka hadlay  shirka  xidhidhiyaha jahliyada Yemen halgame Xuseen Maxmed Adar (gabood)  oo u soo jeediyay shirka hadalo guubaabo ah isaga  oo ugu hanbalyeeyay   jahliyada hormarka ay gaadheen sanadka iyo  dadaalka  ay muujiyeen waxuuna yidhi waa in halkaas laga sii  socdo dadaalkana lasii baladhiyo.

Sayid xakiim/Sanca-ONA

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay