Madaxweynaha Maraykanka ayaa fashilkii 2aad la soo gudboonaadey 100-ka maalmood ee u horeeyey ee xukunkiisa kadib markii Aqalka Kongeresska Maraykanku ku guuldaraystey ansixinta hindise sharciyeed lagu beddalayo kii uu ka tagey Madaxweynaihii hore ee loo yaqaan Affordable Care Act (Obamacare).

Hindisahan cusub ee uu ka soo shaqeeyey Donald Trump iyo afhayeenka Aqalka Kongrresska Paul Ryan ayey ugu magacdareen American Health Care, waxaana uu noqdey mid ka socon waayey Xildhibaanada Dimoqraadiga iyo weliba qaar badan oo kamid ah Xisbiga Jamhuuriga.

Xubnaha xisbiga Jamhuuriga ayaa ku tilmaamey sharcigan cusub in aanu waxba ka beddelneyn kii Obamacare, Xildhibaanada kale ee qunyarsocodka ah ayaa iyana u arkey in uu yahay mid khatar gelinaya nafta malaayiin qof oo Ameerikaan ah, Nancy Pelosi ee hoggaamisa Xildhibaanada Dimoqraadiga ee Aqalka Konfresska looga tirada badan yahay ayaa ku tilmaantey guul taariikhi ah.

Mr. Trump ayaa sheegay in uu eersadey Xildhibaanada Dimoqraadiga oo uu farta ku goday in iyaga ay ka socon weydey, sharcigaana aan la meel marin karin haddii aysan taageerin iyagu, waxaana uu sheegay in Obamacare uu yahay midka sii shaqeyn doona ee sharciga ah.

Obamacare oo ah nidaam caymis caafimaad lagu siinayo dadka aan awoodin in ay gataan caymiska, ayaa ah mid kamid ah dhaxalkii ugu weynaa ee uu ka tegey Barack Obama, waxaana Trump horey wacad ugu marey in uu beddeli doono, inkasta oo shaqada u dhaxaysa Aqalka Cad iyo Capitol Hill ay tahay mid adag oo u baahan ololeyn xooggan.

 

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay