Xafiiska UNDP ee Soomaaliya ayaa magaaladda muqdisho ku qabatay  kullan Ujeedadiisu ahayd sidii kor loogu qaadi lahaa doorka  haweenka ku jira labada aqal ee baarlamaanka Soomaaliya ee ka qeybgalka siyaasadda dalka iyo sidii ay u heli lahaayeen xuquuqda ay dalka ku leeyihiin.

Shirkan oo lagu qabtay xarunta Xalane ee garoonka diyaaradaha ee Muqdisho  waxaa furitaankii ka qaybgalay   labada guddoomiye ee barlamaanka federaalka, xubno ka socda baarlamaanada dowlad goboleedyada iyo qaar kamid ah haweenka u dhaq dhaqaaqa xuquuqda dumarka Soomaaliyeed,

 Madaxa UNDP ee Soomaaliya, George Conway, ayaa sheegay in ay u jeedkoodu yahay in haweenka Soomaaliyeed lagu dhiirigeliyo doorka ay ku leeyihiin hanaanka siyaasadda iyo sidii ay u heli laayeen xuquuqda ay dalka ku leeyihiin.

Wasiirka haweenka iyo xuquuqul insaanka ee xukuumadda Soomaaliya, Deeqa Yaasiin  Yuusuf ayaa shirka ka sheegtay in kordheen tirada haweenka ah ee soo galay baarlamaanka dalka doorashadii u dambeysay, waxayna xustay in haweenka looga baahan yahay haweenka siyaasadda soo galay looga baahan yahay in ay ka warqabaan arimaha ka jira deegaan doorashooyinkooda.

Guddoomiyaha Aqalka sare, mudane Cabdi Xaashi C/laahi, ayaa sheegay in haweenku ay kaalin muuqata ay ku leeyihiin horumarka dalka isla markaana xilligan ay tahay in isku duubni la yimaadaan.

Maxamed Sh Cismaan guddoomiyaha golaha shacabka oo isna hadal u jeediyay ka qeybgaliyaasha shirkan ayaa sheegay in caqabado badan ay ku hor gudban yihiin haweenka Soomaaliyeed dhanka siyaasadda, wuxuu ku booriyay in ay yeeshaan ajende qaran oo tilmaamaya waxyaabaha haweenka ahmiyadda u leh.

 

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay