Madaxweynihii hore ee Mareykanka Barack Obama oo markii ugu horeysay dib ugu soo laabtay nolosha dadweynaha tan iyo markii uu xilka ka degay ayaa ugu baaqay da’ yarta magaalada Chicago inay u dhaqdhaqaaqan bulshada, si la mid ah isaga, inta uusan siyaasadda gelin.

Mr. Obama ayaa sheegay in soddon sano ka hor markii uu ahaa dhalinyarada uu xooga saari jiray arrimaha bulshada ee magaalada Chicago “In dadka caadiga ah marka ay wada shaqeeyaan, ay samayn karaan wax aan caadi ahayn”.

Madaxweynihii 44-aad ee Mareykanka Mr. Obama ayaa sheegay in uu rajeynayo “in uu gacan ka gaysto oo uu diyaariyo jiilkii sii wadi lahaa wixii uu qabtay ee dunida wajihi lahaa” Obama ayaa sheegay in dhibaatooyin badan ay haystaan bulshada Mareykanka, ayna ka mid yihiin sinaan la’aanta dhaqaalaha, isbeddelka cimilada, iyo eexda ka jirta habka garsoorka Mareykanka, ayna u baahan yihiin in xal loo helo.

Obama ayaa tan iyo markii uu xilka ka degay saddex bil ka hor ka fogaaday inuu dadka kasoo dhex muqudo, wuxuuna ka gaabsaday inuu ka hadlo jahawareerka siyaasadeed ee Washington kajira.

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay