Wakhtiga Kalfadhiga Baarlamaanka Soomaaliya oo Lashaaciyay.

Posted by /

Guddiga Golaha Shacabka ee  Soomaaliya ayaa kulan ay Muqdisho ku yeesheen waxay ku go’aamiyeen xiliga uu furmayo Kalfadhiga 2aad ee Golaha barlamaanka, kaasi oo loo mudeeyay 8da bisha July ee soo soo socota.

Kulankaan oo uu  shir guddoominayey ku simaha Guddoomiyaha ahna Guddoomiye ku xigeenka 2aad ee Golaha Shacabka Mudane Mahad Cabdalla Cawad waxaana looga hadlay ajandeyaal dhowr ah oo ay ugu horeyso mudeynta xiliga uu furmayo Kalfadhiga 2aad ee Golaha Shacabka maadaama ay Mudaneyaasha hada ku maqan yihiin fasaxooda Dastuuriga ah.

 Xoghayaha guud ee Golaha Shacabka Mudane C/kariin Xaaji Cabdi (Buux) oo ka hadlay qodobbada looga hadlay kulanka Guddiga Golaha Shacabka ayaa sheegay in guddiga Joogtada ahi ay go’aamiyeen in furitaanka Kalfadhiga 2aad ee Golaha Shacabka loo mudeeyey in uu noqdo 08-July-2017 waxaana uu ku wargeliyey dhammaan Xildhibaannada Golaha Shacabka ee fasaxa ku maqan iney usoo diyaar garoobaan furitaanka Kalfadhiga 2aad ee Golaha Shacabka.

Dhinaca kale Guddiga Joogtada ah waxa ay kulankooda uga hadleen howlaha horyaala Golaha iyo sida ay ukala muhiimsan yihiin waxaana howlahaasi ka mid ah ammaanka, dib u eegista miisaaniyadda, guda gelidda dhameystirka Dastuurka, dhameystirka sharciyadii ka yimid Baarlamaankii 9aad iyo qodobo kale.

 

Comments are closed

Sorry, but you cannot leave a comment for this post.

 
 

Blogroll

Radio ICDS

Radio Xoriyo (RX)

Videos/Muuqaal

Web Links

ILAYS TV Shirwynihii JWXO maalinkii 1 aad Qaybtii u dambaysay