Dalalka Imaaraatiga iyo Baxreyn ayaa sheegay in diyaaradaha laga leeyahay dalka Qatar loo fasixi doono qeybo kamid ah hawadooda inay maraan.

Go’aankan ayaa kasoo baxay wadahadalo todobaadkii lasoo dhaafay ka dhacay magaalada Montreal ee dalka Canada halkaasi oo xarun u ah hay’ada duulimaadyada caalamiga ah ee (International Civil Aviation Organization (ICAO)

Dowlada Qatar ayaa dacwado kala duwan u gudbisay Qaramada Midoobay (QM) iyo hay’ada caalamiga ah ee qaabilsan hawlaha duulimaadka, iyagoo ku dooday in xayiraada dhanka cirka ah ee xulafada Sacuudiga ay dhibaato weyn ku heyso dadka ku nool dalka Qatar oo 90% ah dad ajaanib ah.

Wadooyinka hawada ee Imaaraadka iyo Baxreyn u fureen Qatar Airways ayaa ah kuwo saameyn doona oo kaliya diyaaradaha kusii jeeda dalka Qatar, waxaana hawada loo furay si kumeel gaadh ah. Balse dowlada Qatar ayaa tilaabadan ku tilmaamtay guul weyn oo qeyb ka ah dadaalkii ay ka dhex waday Beesha Caalamka ee cadaadiska lagu saarayey xulafada Sacuudiga.

 

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay