Duqaymaha ay dowladda Suuriya ku hayso goobaha ay mucaaradka haystaan ayaa wali sii socota, iyada oo ay jirto in golaha ammaanka ay ansixiyeen xabad joojin Jimcihii.

Boqolaal qof ayaa ku dhintay toddobaad ay duqaymo ka dhacayeen bariga Ghouta. Golaha amaanka ee Qaramada Midoobay ayaa si aqlabiyad ah isugu raacay 30 maalmood oo xabad joojin ah oo laga hirgaliyo Suuriya.

Labada kooxood ee ugu waawayn falaagada Suuriya ee gacanta ku haysa bariga Ghouta ayaa soo dhaweeyey qaraarka Golaha Ammaanka ee Qaramada Midoobay soo saaray ee ku baaqaya in Suuriya oo dhan laga dhaqan geliyo xabad joojin banii’aadminimo oo soddon maalmood ah.

Labada kooxood waxay ballan qaadeen in ay ilaalin doonaan kolonyooyinka gargaarka sida ee geli doona goobtaa go’doonsan ee ku taal bariga magaalada Dimishiq.

kooxaha u ololeeya xuquuqda aadanaha Suuriya ayaa waxay sheegeen in duqaymaha dowladda ay ka dhaceen goobaha mucaaradka ka dib markii qaraarka xabad joojinta la isku raacay. Ugu yaraan saddex qof ayaa la sheegay in ay ku dhinteen weeraradan ugu dambeeyay.

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay