Urur goboleeedka IGAD ayaa ka digay duufaanno hore leh kusoo fool-leh xeebaha waqooyi Bari ee Puntland, Soomaaliya.

War saxaafadeed kasoo baxay Xarunta Saadaasha Cimilada ee urur-goboleedka IGAD, ayaa digniin ka bixisay waxa ay ku tilmaantay xaaladda isa sii taraysa ee duufaanno ka soo kacaya gudaha badweynta hindiya, kuwaasoo khatar ku haya qaar ka mid xeebaha Soomaaliya.

Khubarada ku xeeldheer saadaasha cimilada ee xarunta saadaasha cimilada IGAD, ayaa sheegay in duufaanadu dhanka waqooyi u sii socdaan ilaa ay caga dhigtaan dalka Yeman. Qaybo ka mid ah duufaannadan, oo ay la socdaan daruuro iyo roob ayaa la saadaalinayaa inay ku dhufan doonaan xeebaha Soomaaliya sida ay sheegtay IGAD, iyadoo wadarta biyaha roobabkaasi lagu qiyaasay 30 mm.

Dad ku dhow 50 qof ayaa la sheegay inay ku dhinteen roobabkii duufaanta watay ee toddobaadkan horraantiisii ku dhuftay gobollada Awdal iyo Salal.

 

Comments are closed

Sorry, but you cannot leave a comment for this post.

 
 

ILAYS TV Shirwynihii JWXO maalinkii 1 aad Qaybtii u dambaysay