ISNIIN 26.10.2009

BISMILAAH:

Ku : Maamulka puntland Anakoo ku hadlayna magaca jaaliyadaha Soomaalida Ogaadeenya ee wadamada iskandinefiyaanka (Norway, Denmark, Sweden, Finland) waxaan cambaareynaynaa faldambiyeedyada bini aadnimada ka baxsan ee uu ku kacay maamul-goboleedka Bariga Soomaaliya ee (Puntland).

maamul-goboleedka Bariga Soomaaliya ee (Puntland) wuxuu si khilaafsan, islaamnimada, wada-dhalashada, darisnimada, iyo xeer walba oo caalami ah uu ula dhaqmaa shacabka Soomaalida Ogaadeenya ee gumeysiya Itoobiya ka soo cararay.

maamul-goboleedka Bariga Soomaaliya ee (Puntland) wuxuu markii ay taariikhdu ahayd 24.10.2009 ku xidhxidhay magaalada Boosaaso muwaadiniin aan wax dambi ah ka galin maamulka Puntland, muwaadiniintan oo isla markiiba lagu wareejiyay gacanta gumeysiga itoobiya. Bil kama soo wareegin markii isla maamulka Puntland ay Itoobiyaan u gacan galiyay 4 muwaadin oo Soomaalida Ogaadeenya ah oo magaalada Gaalkacyo joogtay, oo qaar ilaa hada la la’yahay meel ay jaan iyo cirib dhigeen, midna intay tooriyeeyeen ay mayd ahaan uga tageen, oo lahelay isagoo dhaawac ah.

Baaq:

Maamulka Puntland:

1. Waxaan ugu baaqaynaa maamulka punland inuu sida ugu dhakhsiyo badan u siidaayo muwaadiniinta Soomaalida Ogaadeenya ee jeelashiisa ka buuxa.

2. Waxaan ugu baaqaynaa maamulka Puntland in uu joojiya muwaadiniinta S. Ogadenya ee iyagon wax dambi ah ka galin Puntland loo gacan gelinayo cadowgii ay ka soo carareen.

3. Waxaan ugu baaqaynaa in maamulka Puntland inuu ka waantoobo in colaad uu dhexdhigo labada shacab ee walaalaha ah.

4. Maamulka Puntland waxaan xasuusinaynaa in muwaadiniinta maamulkiisa ay si nabadgelya ah ugu nool yihiin dhamaan gobolada Soomaalida Ogaadeenya iyagoon wax dhib ah aan loo gaysan, meesha maamulka Puntland uu muwaadiniinta S. Ogadenya maalin walbaba waxyeelaynayo.

5. Bulshada Bariga Soomaaliya ee Puntland waxaan ugu baaqaynaa in ay ka dhiidhiyaan falalka xilkasnimo xumida ah ee maamulkan uu ku kacayo, maamulkaasoo si indha la’aan ah ugu shaqaynaya gumeysiga Itoobiya .

Soomaalida ogaadeenya ee bariga soomaaliya.

1. Waxaan ugu baaqaynaa muwaadiniinta Soomaalida Ogaadeenya in ay sida ugu dhakhsaha badan ee suurtagal ah isaga baxaan degaanada Puntland.

2. Waxaan ogeysiinaynaa shacabka  Soomaalida Ogaadeenya ee booqasho ama tijaaro u imanaya dhulka ay joogaan labada maamul ee bariga iyo waqooyiga soomaaliya in ay ku tala galaan inay soo galeen dhul uu sirdoonka Itoobiya ka taliyo.

Gabagabadii:

Anakoo ku hadlayna magaca jaaliyadaha soomaalida ogaadeenya ee Iskandineefi-yaanka waxaa uga digaynaa ummada Soomaaliyeed meel ay joogaanba in aan cadowga loo luga qaban, hadii aan garab lasiinaynin shacabka Ogadenya ee dhiigiisa u huraya suu ciidiisa, diintiisa, iyo dadkiisa u difaacdo. Waxaana xasuusinaynaa umadda Somaliyeed in dhiiga iyo xadgudubka Soomaalida Ogaadeenya laga galo ayna noqon doonin mid la hilmaamo, cidii gaysatana ay aad uga shalayn doonto, iyadoo lala sugi doono goorta iyo saacada ugu haboon.

Maamulada jaaliyadaha ogaadeenya ee iskandinefinaka.

ogaden_8@hotmail.com